Започна пријавувањето за субвенции за рибарство

Агенцијата за финансиска поддршка во земјоделството и руалниот развој објавува Јавен повик за користење на средства од Програмата за финансиска поддршка во рибарството и аквакултурата за 2019 година. Право да аплицираат имаат сите субјекти кои ги порибиле рибниците со порибителен, материјал во периодот од 1- ви февруари до 30- ти мај, и поседуваат дозвола за производство на порибителен материјал.

Директорот на Агенцијата, Николче Бабовски, информира дека средствата се исплаќаат скалесто:
– за купен или сопствен подмладок до 2.500 кг – 100% од вредноста на утврдената цена на подмладокот;
– за купен или сопствен подмладок од 2500 кг до 5000 – 75% од вредноста на утврдената цена на подмладокот;
– за купен или сопствен подмладок од 5000 кг до 7500 – 50% од вредноста на утврдената цена на подмладокот;
– за купен или сопствен подмладок над 7500 – 25% од вредноста на утврдената цена на подмладокот.
Аплицирањето трае до 15-ти јули, а деталните услови кои треба да ги исполнуваат барателите се утврдени во Програмата за финансиска поддршка во рибарстовото и аквакултурата за 2019 година.