Започна уписот на првачиња во гостиварските училишта

Како и секоја година, во текот на месец мај во основните училишта се спроведува уписот на првачињата. Во учебната 2018/2019 година, во прво одделение се запишуваат децата родени во 2012 година, односно оние кои до крајот на календарската година ќе наполнат 6 години. Исклучок може да се направи за деца родени во јануари 2013-та, на барање на родителот, но само по добиено мислење од педагогот или психологот во училиштето.

Деталните околу потребните документи и рокови се истакнати во соопштенија во училиштата.

Правилата предвидуваат реонизација при уписите, односно детето да се запише во училиштето кое е најблиску до неговиот дом.

На подрачјето на општина Гостивар, вратите за новите првоодделенци ќе ги отворат 11 централни основни училишта и 20 подрачни. Лани во Македонија беа запишани околу 20.400 првооделенци, а на гостиварското подрачје околу 650.