Гостивар
Затишје на короната во Гостивар, лекарите со апел за празниците да се почитуваат мерките
Бројката на активно заразени со коронавирус на гостиварското подрачје падна на околу 570. Моментално владее состојба на затишје. Намалени се бројките на новозаразени, хоспитализирани пациенти со ковид, како и на случаите со смртни последици. Лекарите сепак предупредуваат дека опасноста од ширење на вирусот не е за занемарување, со оглед дека периодов има зголемена фреквенција на луѓе поради доаѓањето на печалбарите.
„Може да кажеме дека сега имаме благо затишје, помал број нови потврдени, помалку на болничко лекување, смртните случаи драстично намалени, а повеќе излекувани. Ова укажува дека состојбата е потсмирена. Но, поради моментот што овој период има голем наплив на сограѓани дојдени од странство и има повеќе движење, би ги замолил сите, да празнуваме заедно, но одговорно. Да ги почитуваме препораките и мерките на носење маски, без поголеми прослави и собири“, вели д-р Јакуп Јакупи, директор на општата болница „Д-р Ферид Мурад“ во Гостивар
Гостивар доживеа силен ковид удар во текот на ноември, со високи дневни бројки на нови случаи и скоро исполнети болнички капацитети. Ако во празничниот период се однесуваме одговорно и ги почитуваме основните заштитни мерки, ќе се спасиме од нов корона бран, нагласува Јакупи.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар