Здравко Мамиќ осуден на шест и пол години затвор

Еден од најконтраверзните луѓе во фудбалот во Хрватска и воопшто во Европа, Здравко Мамиќ. Денеска е осуден на шест и пол години затвор.

Поранешниот советник НК Динамо Здравко Мамиќ, неговиот брат Зоран, поранешниот директор на Динамо Дамир Врбановиќ и Милан Пернар денес во Окружниот суд во Осијек се прогласени за виновни поради финансиски малверзации во фудбалскиот клуб Динамо од Загреб.

На обвинетите им се судеше за 116 милиони куни (15.5 милиони евра) незаконски извлечени од фудбалскиот клуб Динамо, како и за нанесување штета на државниот буџет за 12,2 милиони куни (1.6 милиони евра).

Според пресудата, Здравко Мамиќ е виновен по сите точки. Милан Пернар и Зоран Мамиќ се осудени за прикривање на даночните обврски на првообвинетиот, Зоран Мамиќ и за поткуп. Мамиќи и Врбановиќ се виновни за незаконско делење на средствата од трансферите на Дејан Ловрен во Лион и Лука Модриќ во Тотенхем кои сведочеа на судењето и двајцата сведочеа во полза на Мамиќ.

Ден пред изрекувањето на пресудата, Здравко Мамиќ замина во Босна и Херцеговина. Никој од обвинетите не се појавил на судењето.

Најзадоволни од ваквиот исход се навивачите на Динамо, популарните „Бед Блу Бојс“ кои беа неколку години во буквална војна со Здравко Мамиќ.