Здуње: Беснеел со секира низ дома и барал пари

Педесет и четиригодишна жена од гостиварското село Здуње, вчеравечер околу 19 часот и 30 минути пријавила семејно насилство што го извршил нејзиниот дваесет и шестгодишен син.

Секторот за внатрешни работи известува дека, дента околу 17 часот во дворот од нивната куќа започнала меѓусебна вербална расправија, откако синот и барал пари, по што и се заканил по животот, зел секира и оштетил дел од покуќнината внатре.

Насилникот кој и претходно психички и физички ја малтретирал мајка му, бил приведен и задржан во Полициската станица Гостивар. По целосното расчистување на сите поединости поврзани со случајот, ќе се соочи со соодветен поднесок, најавуваат од полицијата.