(3) ОДГОВАРААТ: Дубравка Новаковска, Ивица Димчевски, Јасин Зејнел

Дубравка Новаковска, доктор

Дубравка Новаковска, доктор специјалист по семејна медицина

Не знам дали е поради еуфоричното расположение од предстојните новогодишни празници или мојата позитивна природа, на ум ми паѓаат само убави работи како на професионален така и на приватен план. Оваа 2017 беше во знак на неколку интересни професионални патувања. Софија, Будимпешта, Сегедин на балкански форуми каде учествуваат доктори од цел Балкан, што е драгоцено за секој професионалец. А на приватен план би ја издвоила мојата прва посета на боксерски турнир, Меч на шампиони, каде се натпреваруваше мојот помал син и каде гледаш како твоето мало дете пораснало и го живее својот сон. Се на се многу успешна година зад мене.

Можеби ќе звучи како клише, меѓутоа мојата желба за 2018 година е здравје, среќа, здрав разум, позитивна мисла. За себе, моето семејство и сите кои ова го читаат. Бидејќи тоа е најважното, а се друго ќе си дојде само по себе.

[divider]

Ивица Димчевски, КК Гостивар

Ивица Димчевски, кошаркар на КК Гостивар

Оваа 2017 година ќе ја паметам по многу работи, пред се убави. Година помината со напорна работа и уживање во мојата нова улога на родител.

Во 2018 година посакувам да има пред се здравје, на професионален план успех и да продолжиме со добрите игри во новата година.

[divider]

Јасин Зејнел, бизнисмен

Јасин Зејнел, бизнисмен

Оваа 2017 година што изминува како граѓанин на Гостивар ќе ја паметам по тоа што беше година во која многу луѓе и пријатели заминаа во странство и градот остана полупразен.

Во новата година очекувам во Македонија да има ред и мир. Да може да им овозможиме на нашите деца среќно детство и иднина.