Ангелов од СДСМ: „Таравари наметна вештачки проблем и вината ја насочи кон советот“

По денешната вонредна седница на Советот на општина Гостивар, на која беше донесна одлуката за ребаланс на буџетот за образование со што се овозможи исплата на ноемвриските плати за наставниците, со свои изјави излегоа од советничките групи на мнозинството, ДУИ и СДСМ.

Зоран Ангелов од СДСМ рече дека градоначалникот создал вештачки проблем и не можејќи да го реши, вината ја насочил кон советничкото мнозинство:

„ Должност на општината е со самиот буџет да обезбеди 10% од платата за вработените во образованието. Не можејќи да се справи со состојбите, Таравари создаде вештачки проблем, па целата вина ја сведе на советот. Ние не сакаме да бидеме дел од игрите на Таравари и на ВМРО ДПМНЕ, затоа заедно со коалиционите партнери излеговме во пресрет на оправданите барања на наставнциите и професорите и денес ја изгласавме одлуката. Ние секогаш ќе бидеме дел од решението, а не дел од хаосот во образованието што се случува во општина Гостивар. Ќе продолжиме да го градиме граѓанскиот концепт и ќе бидеме посветени на мотото – Живот во Гостивар за сите.“