За само неколку дена два полови напади врз малолетни лица во Тетово

Двајца тетовци се во 30 дневен притвор, поради сомнение за полови напади врз малолетни лица. Се работи за одделни случаи, коишто полицијата ги евидентира изминатиов период.

Секторот за внатрешни работи Тетово, до тетовското Основно јавно обвинителство поднесе кривична пријава против 19 годишен тетовец поради постоење основи на сомнение дека сторил кривично дело „полов напад врз дете кое не наполнило 14 години“. Лицето на 1 март годинава околу 14 часот во влез од зграда на улица „Видое Смилевски-Бато“, допирал по тело малолетничка од Тетово и се обидел да изврши обљуба врз неа, информира полицијата.

Другиот случај е од 24 февруари. 61 годишник се сомничи дека тој ден помеѓу 19 и 20 часот на улицата „Страшо Пинџур“ во Тетово во неговото возило внел малолетно девојче, а потоа на друга локација извршил обљуба над детето, соопшти СВР Тетово.