Продолжува 2МФЛ: ФК Гостивар му гостува на Беса – ФК Арсими го пречекува Пелистер

Додека останатите спортски првенства се во подготвителна фаза, во Втората македонска фудбалска лига денес, веќе се игра третото коло.

По разните шпекулации изминативе деновиве околу ФК Гостивар, од гостиварскиот второлигаш денеска информираа дека нема никакви промени во раководството и управата на кулбот, односно останува генералниот спонзор како и тренерот Октај Дереиоглу кој денеска од клупата ќе ги води фудбалерите.

Гостиварци му гостуваат на ФК Беса 1976 во Добридол, домаќините од првите две кола имаат 1 победа и 1 нерешен резултат, ја совладаа екипата на ФК САСА и одиграа без голови со Пелистер во Битола. Додека ФК Гостивар има максимален скор од 6 бодови, кои ги заработи против екипите на Локомотива од Пехчево и ФК САСА.

Уште еден интересен натпревар ќе се одигра денска на стадионот во Чегране каде домаќинот ФК Арсими ќе ја пречека екипата на Пелистер. Чегранци имаат една победа во премиерниот настап во 2МФЛ го совладаа Кожув во Гевгелија, дома загубија од Вардар во првото коло. Битолчани имаат една победа и еден пораз.