Изјава на Медат Куртовски, кандидат за градоначалник на Маврово и Ростуше од СДСМ

„Јас како и секој граѓанин, го искористив своето право на глас, а од денешниот ден очекувам да помине во мирна и демократска атмосфера, очекувам дека народот ќе излезе на гласање, односно ќе биде постигнат цензусот. Граѓаните треба да гласаат за оној за кого мислат дека најдобро ќе раководи со нашата општина. Ако добијам втор мандат, најпрво ќе ги продолжам проектите коишто се во фаза на реализација, а тоа се основното училиште во Жировница, патот во село Врбен, водоводна мрежа за Аџиевци и уште многу други приоекти. Но, сепак она на што ќе се фокусираме во наредниот период ќе биде чистење на дивите депонии како и урбанизација на населените места за да можеме со тоа да создадеме услови за привлекување на инвестиции во нашиот регион.“, изјави кандидатот за градоначалник на Маврово и Ростуше од СДСМ, Медат Куртовски денес откако го оствари своето право на глас на гласачко место во селото Скудриње.