Од сабота забрана за спортски риболов на Радика и притоките

Од први октомври (сабота) се забранува спортскиот риболов на Радика и притоки е забранет, а забраната ќе трае до 2 февруари 2023.

Од НП Маврово информираат дека на Мавровско Езеро спортскиот риболов ќе биде дозволен секој ден од 1 до 31 октомври, за сите видови риби освен за пастрмка, која е во период на природен мрест.

Цената на дозволите за спортски риболов се движи од 200 до 4.000 денари, зависно од времетраењето.

„Дозволи можат да се набават во Информативниот туристички центар во Маврови Анови. Дневна риболовна дозвола може да се купи и преку електронскиот систем www.npmavrovo.mk . За да купите дозвола преку електронскиот систем мора да имате важечка е маил адреса на која ќе добиете потврда за уплата. Уплатата може да се изврши со сите видови на платежни картички. Останува обрвската да поседувате легитимација за спортски риболов со платена членарина за тековната година. Дозволата која ќе ја купите по електронски пат ќе ја има и во хартиена форма која може да се подигне во Информативниот туристички центар.“, извести НП.