Фатени во контрола во Гостивар: Возеле камиони и комбиња без возачка дозвола

Вчера (19 октомври) од 10 до 14 часот на поширокото тетовско-гостиварско подрачје спроведена е акциска контрола на товарни возила, најмногу камиони и комбиња, во која вкупно биле откриени и санкционирани 7 прекршоци. Од нив 4 во Тетово и 3 во Гостивар.

Кај едно возило констатирана е неисправност на уредот за управување, пет возачи управувале без положен возачки испит и валидна дозвола (Тетово-2 и Гостивар-3), додека еден возач го управувал возилото со важечка забрана за управување

„На сите прекршители изготвени им се соодветни поднесоци, со напомена дека за неисправен уред за управување предвидна е парична глоба од 400 евра во денарска противвредност, а за управување со важечка забрана 500 евра и мерка времено одземање на возачката дозвола од три месеци до една година.“, извести полицијата.

Секторот за внатрешни работи Тетово со укажување до возачите-учесници во товарниот сообраќај, посебно на камиони, навреме да ја проверуваат техничката исправност, а возилата да ги управуваат исклучиво лица со адекватна дозвола, но и да не практикуваат претовар, а товарот што го носат да го обзбедат согласно законските правила и критериуми.