Намалена видливост поради магла на Стража и други патни правци

Сообраќајот на државните патишта се одвива по наместа влажни коловози. Намалена видливост поради појава на магла од 50 – 100м. има во Крива Паланка, од 30 – 50м. во Крушево, од 50 – 100м. на планинскиот превој Стража, од 30 – 50м. на планинскиот превој Буково и од 10 – 20м. на планинскиот превој Плетвар, соопшти АМСМ.

На државен пат А1, делница Велес – Неготино, ќе се применува времена измена на режим на сообраќај поради изведување на работи на експресниот пат од Градско до Дреново.

Од АМСМ потсетуваат дека е урнат мостот кој води кон селата Нистрово, Бибај, Тануше, Грекај и Нивиште (општина Маврово и Ростуше).

Додека на граничните премини од македонска страна, нема подолги задржувања за влез и излез од државата.