Дел од Гостивар нема вода, екипи санираат дефект на водоводот кај паркот

Поради дефект во водоводна линија на „Кеј Вардар“, од утрово без вода остана дел од Гостивар.

Прекин на водоснабдувањето има за корисниците на потегот од општата болница до мостот во близина на градскиот пазар и дел од улицата „ЈНА“.

„Нашите екипи се на терен и интензивно работат на санирање на дефектот. Очекуваме водоснабдувањето да почне да се нормализира од 18 часот. Станува збор за дефекти кои настануваат поради староста на цевките во овој дел од водоводната мрежа, цевки во следната фаза од проектот СЕКО се планира да бидат заменети со нови“, информираа попладнево од ЈП Комуналец Гостивар.