Фатени пијани возачи ноќеска во акција на полицијата во Гостивар и Тетово

Полициски службеници на СВР Тетово вчеравечер и ноќеска (1/2 април) спровеле акциска контрола на возачи, дали и колку од нив ги управуваат возилата под дејство на алкохол. При контролата откриени и санкционирани биле вкупно 6 возачи (ТЕ-4 и ГВ-2) кои управувале под дејство на алкохол, од кои кај двајца биле измерени до еден и пол промили алкохол во крвта.

Сите алкохолизирани возачи-прекршители веднаш се исклучени од сообраќај и изготвени им се предвидените поднесоци, информира СВР.

Покрај ова, со соодветни поднесоци биле заокружени и 25 други видови сообраќајни прекршоци. Секторот за внатрешни работи Тетово со уште еден апел до возачите да се воздржат од консумирање алкохолни пијалаци доколку седнуваат зад волан, зашто алкохолот им ја намалува способноста за управување и нивната концентрација и им ја доведува во ризик сопствената и безбедноста на другите учесници во сообраќајот.