Редослед на богослужби за Велигден во Гостивар

Велика Среда (12 април) – Утрена со часови и литургија на претходно осветени дарови со почеток во 8 часот наутро. Во 17 часот ќе се отслужи мало повечерие.

Велики Четврток (13 април) – Во соборниот храм „Пресвета Богородица“ утрена со часови и литургија на Свети Василиј Велики. По литургијата ќе се изврши и светата тајна Елеосвештение (маслосвет). Во 18 часот ќе се читаат 12-те страдални евангелија и ќе се изнесе Распетието.

Велики Петок (14 април) – Во соборниот храм „Пресвета Богородица“ утрена со царски часови и читање на светите евангелија во 8 часот и изнесување на светата Плаштеница. Во 17 часот ќе се отслужи вечерна богослужба, а во 18 часот ќе се изврши опело на телото на Господ Исус Христос.

Велика Сабота (15 април) –Литургија на Свети Василиј Велики со почеток во 8 часот.

Во 23.30 часот ќе започне трикратниот опход околу Соборниот храм „Пресвета Богородица“ со пеење Воскресение Твое Христе Спасе и ќе бијат сите камбани.

Прв ден Велигден (16 април) – Точно во 00.00 часот ќе биде објавено Христовото воскресение. Веднаш потоа ќе се служи Утрена со литургија на Св.Јован Златоуст. Во 17 часот ќе се служи вечерна богослужба-втора пасха со литија околу соборниот храм.

Втор ден Велигден (17 април) – Утрена со литургија на Св.Јован Златоуст ќе се служи во црквата „Свети Димитрија“ со почеток во 8 часот.

Трет ден Велигден (18 април) – Утрена со литургија на Св.Јован Златоуст ќе се служи во соборниот храм „Пресвета Богородица) со почеток во 7 часот.

Источен Петок Балаклија (21 април) –  Утрена со света архиерејска литургија во црквата „Света Петка“ во 8 часот.