Група граѓани од Гостивар со поддршка за Реџеп Таип Ердоган

Граѓани поддржувачи на актуелниот турски претседател Реџеп Таип Ердоган денеска се собраа во Гостивар да изразат поддршка пред претседателските и парламентарни избори во Турција, кои ќе се одржат во недела на 14 мај, испраќајќи порака до оние кои имаат право на глас. На настанот се обрати Беким Кечаи апелирајќи да се поддржи турскиот претседател во трката за трет мандат.

„Поздрав до сите што посакуваат да имаме добра иднина. Мирот на Балканот може да биде само со Реџеп Таип Ердоган. Ние треба да бидеме многу внимателни како Албанци, Босанци, Санџклии и Македонците мусимани или друга вера. Во Турција се гласа за најдобриот лидер. Мир во овие земји може да има само со Ердоган, затоа би сакал да апелирам сите Румели со потекло од овие земји на 14-ти мај да го дадат својот глас за Реџеп Таип Ердоган, лидер кои ги брани интересите на сите, и оние кои се во НАТО и оние кои не се во НАТО. Уште еднаш апелирам од центарот на Гостивар, да се поддржи актуелниот претседател кој нуди безбедност и мир во Македонија, Косово, Албанија за сите“, рече Кечаи.