ПИСМА: Граѓани од Гостивар реагираат на небезбедно градилиште

Група граѓани од Гостивар до редакцијата на Gostivarpress.mk испратија реакција и изразија загриженост за опасност од несоодветно заштитено градилиште, кое се наоѓа до објектот на Противпожарната единица. Тие бараат надележните служби да преземат мерки пред да се случи некоја трагедија. Конкретно во нивното писмо се вели:

„Секојдневно поминувам од овде со страв, ова е многу опасно за сите, посебно за малите деца и постарите. Како што може да се види и од фотографиите, тука секој чекор е ризичен. Механизацијата руши, копа, лета бетон, цигли и друг градежен материјал насекаде, тротоарот е преполовен, има огромна дупка. Местото не е заштитено како што треба, а се наоѓа на многу фреквентна улица во градот, каде минуваат доста пешаци и возила. Навистина е ризик и мора да се преземат мерки. Состојбата е ваква веќе неколку недели и никој не мрднал со прст. Треба ли некој да падне, да настрада за инспекциските служби и полицијата преземат нешто?“