Гостивар
Водици 2024 Гостивар: Осветени водите на Вардар – Бог се јави, Навистина се јави!
Празникот Водици на кој сите води стануваат осветени и лековити, ги собра православните верници од Гостивар на заедничка прослава и радувања. Манифестацијата Богојавление-Водици во Гостивар годинава се организираше по јубилеен десетти пат од возобновувањето на традицијата, и како што доликува помина достоинствено со масовно присуство и поддршка од верниците.
По светата литургија утрово во соборниот храм „Успение на Пресвета Богородица“ , литијата тргна од градскиот плоштад и преку централното градско подрачје се движеше до малиот мост на Вардар, пеејќи ја песната „Во Јордање“.
Чинот на осветување на водите на Вардар го изврши Митрополитот тетовско-гостиварски г.Јосиф, по што го положи светиот крст во реката. Во вадењето на крстот учествуваа триесетина момчиња и за прв пат едно девојче. Како што веќе информираше Gostivarpress.mk крстот од Вардар го извади 17 годишниот Огнен Анастасијески, кој за подарок доби икона.
Од Иницијативниот одбор за прослава на Водици во Гостивар истакнаа задоволство од текот на одбележувањето и упатија благодарност за големото присуство на верниците.
Богојавление народот го празнува како еден од најголемите христијански празници, зашто на тој ден Исус Христос е крстен од Свети Јован Крстител во реката Јордан. Со тоа на овој празник му се дава значење на крштевањето како една од повеќето свети тајни на христијанството. Крштевањето значи и духовно раѓање, односно почеток на човековото живеење во верата. Затоа кумот се смета за духовен родител на крстениот и најблизок роднина. Празникот се однесува на настанот на Христовото крштевање во реката Јордан од страна на Свети Јован Крстител, кој уште се вика и Претеча што значи претходник. Тој со своето учење одел пред Исус, што значи му претходел на Исус и затоа е наречен Претеча. Св. Јован го повикувал народот на покајание и му кажувал дека е дојдено времето кога ќе се појави Спасителот на Светот. Притоа луѓето ги крштевал со вода и им кажувал дека тој што ќе дојде по него ќе ги крсти со Свет Дух.
Бог се јави – Навистина се јави!
Фотогалерија на Телеграм
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок