Спорт
Реал против Сити во четвртфиналето на Лигата на шампионите
Двајца од најголемите фаворити во Лигата на шампионите – актуелниот освојувач на трофејот Манчестер Сити и најтрофејниот клуб на турнирот, Реал Мадрид ќе се сретнат во четвртфиналето, одлучи денешната ждрепка во Нион.
Победникот од оваа двојка во полуфиналето ќе се сретне или со Арсенал или со Баерн Минхен.
Екипата на Атлетико Мадрид, која во претходната фаза го елиминира Интер, ќе игра во четвртфиналето против Борусија Дортмунд, а Пари Сен Жермен и Барселона ќе спорат меѓу себе за пласман во полуфиналето.
Минатата сезона „граѓаните“ во полуфиналето ги совладаа „белите“ со вкупен резултат 5:1. Една година претходно, двата тима се сретнаа во иста фаза, но тогаш победник беше „кралскиот клуб“. Така, тоа ќе биде трета сезона по ред како Манчестер Сити и Реал Мадрид се среќаваат во нокаут фазата од Лигата на шампионите, како и четврта меѓусебна средба во претходните пет години.
Најдобриот стрелец на Баерн, Хари Кејн ќе се врати во Лондон за пресметката со Арсенал. Минатата сезона Баварците беа тие кои ги елиминираа „топчиите“ по успехот со вкупен резултат 10:2 во осминафиналето. Во досегашните 12 средби, Баерн победи седум пати, наспроти само три триумфи на Арсенал.
Првите натпревари од четвртфиналето ќе се играат на 9 и 10 април, а реваншите се една недела подоцна – на 16 и 17 април. Полуфиналните натпревари се на 30 април/1 мај и 7/8 мај, а финалето на Вембли е закажано за 1 јуни.
Ждрепка за четвртфиналето на ЛШ:
Арсенал – Баерн Минхен
Атлетико Мадрид – Борусија Дортмунд
Реал Мадрид – Манчестер Сити
Пари Сен Жермен – Барселона
Ждрепка за полуфинале:
Атлетико Мадрид/Борусија Дортмунд – ПСЖ/Барселона
Арсенал/Баерн Минхен – Реал/Манчестер Сити.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница