Хуманитарна проекција на филмот „Гостиварски згоди и незгоди“ – парите од билети за Ивица Срезоски

На нашиот сограѓани Ивица Срезоски се уште му е неопходна помош од сите нас за да ги собере потребните пари за лекување во Кина. Со таа цел во петок ќе се одржи уште еден хуманитарен настан. Станува збор за хуманитарна проекција на првиот долгометражен гостиварски филм “Гостиварски згоди и незгоди”. Филмот ќе биде прикажан во Центарот за култура во петок (6 октомври), со почеток во 20 часот.  Проекцијата ја организира Културното здружение „Дунек“ во соработка со Центарот за култура АСНОМ-Гостивар. „Бидете хумани и дојдете во што поголем број,да донираме средства за нашиот сограѓанин повторно да застане на нозе“, апелираат организаторите. Билетите ќе се продаваат по 100 денари.

Во „Гостиварски згоди и незгоди“ игра актерска екипа гостиварци, режијата е на Стојче Нешкоски, а сценариото на Стојан Карајанов.