Гостиварец го пријавил својот брат за семејно насилство

Вчеравечер околу полноќ во полициската станица во Гостивар бил пријавен случај на семејно насилство. Настанот го пријавил дваесет и тригодишен гостиварец посочувајќи дека половина час пред, насилство во нивниот дом извршил неговиот  постар брат.

„Во забележително алкохолизирана состојба, тој физички го нападнал, му ја скинал блузата, а потоа ги нападнал и нивните две малолетни сестри, повеќе пати удирајќи ги со тупаници по главите и телата. Исплашени, тие веднаш избегале надвор од домот и побарале полициска интервенција. За кусо време братот бил лишен од слобода. Тој со нож ги нападнал тројцата полициски службеници, кои преземале мерки, но брзо бил совладан и му бил одземен ножот“, соопштуваат од Секторот за внатрешни работи.

По приведувањето лицето било задржано во Полициската станица Гостивар од каде известуваат дека се работи на целосно расветлување на поединостите поврзани со овој случај.