Гостивар – Кривични пријави за „обид за убиство“ и за „напад врз службено лице“

Полициската станица Гостивар поднесе кривична пријава против триесет и двегодишен гостиварец поради постоење основи на сомнение дека сторил кривично дело  -“убиство во обид“.

МВР соопшти дека пријавениот на 5-ти декември, околу 18.30 часот на улица “Тоде Богданоски“, при вербална расправија со лице од Гостивар, исто така на возраст од 32 години со нож и секира физички го нападнал и му нанел телесни повреди во пределот на главата и левата рака.

Надворешната канцеларија за криминалистички работи Гостивар  пак поднесе кривична пријава  против 36 годишна жителка на Долна Бањица,  поради постоење основи на сомнение за сторени кривични дела „напад врз службено лице при вршење работи на безбедноста“  и  „загрозување на сигурноста“.  Жената на 6-ти месецов, во Полициската станица Гостивар се заканувала по животот и физички нападнала еден полициски службеник кој вршел обезбедување на нејзиниот син, кој бил лишен од слобода за сторено кривично дело „недозволено производство и пуштање во промет на наркотични дроги, психотропни супстанци и прекурсори“.