Класичните новогодишни честитки стануваат минато

Фејсбук и вибер и оваа година ги заменуваат класичните новогодишни честитки. Но, се уште постојат луѓе кои не сакаат да заборават на оваа радост. Веруваат во тоа дека поголема е среќата да се добие хартиена честитка, отколку истата да се види електронски.

Во школските денови постоеше полесен начин за испраќање честитки. Честитката потајно се ставаше во ташната, меѓу книгите, кај оној што треба да ја прими. Денес најлесно е да се честита преку СМС порака, но дали тоа не прави среќни?

Да се потсетиме на деновите пред Нова Година кога плоштадот беше преполн со тезги. Ние стоевме пред нив и возбудливо избиравме честитки, која кому ќе ја пратиме. Очекувавме и нас да ни пратат и со нетрпение ги чекавме, ги броевме, чувавме… Во продолжение ги гледаме сликите на честитките, но сепак ни фали допирот, нивниот мирис, музиката кај музичкие честитки. Да почнеме од себе, да не дозволиме тие да станат наша историја.