Светски ден на ретките болести – Гостивар даде свој придонес во одбележувањето

Датумот 28-ми февруари, во светот се одбележува како Ден на ретките болести. Целта е да се подигне свеста за постоењето на ретките дијагнози и да им се даде поддршка на пацинетите кои се соочуваат со нив.

На светско ниво, регистрирани се околу 8.000 ретки дијагнози. На територија на Европа, ретка болест се смета онаа што напаѓа еден од 2.000 жители. Точна статистика за пациенти со ретки заболувања во Македонија не постои, но неофицијалните бројки се над 450 лица со шеесетина различни дијагнози.

Подигнување на свеста кај луѓето, меѓусебна поддршка и споделување на корисни искуства  на болните и нивните семејства е од исклучителна важност за борбата против болестите.

Во Гостивар годинава за прв пат беше организирана кампања по повод денешниот ден. Изминатата недела гостиварци со обојување на лицето во боите на ретките болести, ја дадоа својата поддршка за овие пациенти.