Ладна супа која можете да ја „стегнете“ од чаша за ракија – Шпанците навистина знаат како

Гаспачо е традиционална супа од јужна Шпанија која се подготвува од свежи домати и се послужува како еден вид аперитив. Интересен е фактот што шпанците ја служат во чашичка за ракија и можете да ја „стегнете“ пред главното јадење.

Потребни состојки:
1 кг свежи домати
2 свежи краставици
2 парчиња стар леб
1 главица кромид
2-3 чешниња лук
2 зелени пиперки бабурки
маслиново масло
неколку капки оцет
сол и бибер по желба
малку млеко

Подготовка:
Потопете го лебот во млеко се додека не омекне. Истискајте го и ставете го во блендер. Во блендер ставете ги и доматите без семки и лушпа. Во блендер ставете го и останатиот зеленчук, на кој претходно ќе му ги отстраните непотребните делови. Зачинете со масло, осет, сол и бибер по желба.
Пред да ја послужите, супата ставете ја во фрижидер убаво да се излади. Се служи со потпечен леб.