Спасовски: Се намалува криминалитетот во Гостивар, расте ефикасноста на полицијата

Министерот за внатрешни работи на Република Македонија, Оливер Спасовски при денешната посета на Полиската станица во Гостивар, меѓу другото изјави дека во Гостивар се бележи намалување на криминалитетот, а зголемување на ефикасноста на полицијата.

„Со раководството на Полициската станица во Гостивар, разговаравме за безбедносната состојба и не` информираа за тоа како стојат работите на безбедносен план. Задоволство е што се намалува криминалитетот и се зголемува ефикасноста на полицијата. Разговаравме како да ги активираме сите механизми за соработка со граѓаните и за враќањето на довербата кај граѓаните во полицијата. Сметам дека сме на добар пат да ги оствариме интересите на граѓаните во Гостивар, оваа состојба што ја имаме сега само да ја унапредуваме, да имаме поголема безбедноста, поголема соработка со сите релевантни чинители, локалната самоуправа, невладините организации и граѓаните“, рече Спасовски.