Роден на денешен датум: Никола Тесла, генијалецот кој ги предвиде смарт телефоните пред скоро еден век

Еден од најголемите генијалци на сите времиња, научникот Никола Тесла ги предвидел паметните телефони во далечната 1926 година.

Во интервју дадено за Њу Јорк Тајмс, изјавил: Кога безжичната технологија ќе се рашири низ целиот свет, планетата Земја ќе се претвори во еден „голем мозок“. Ќе можеме да комуницираме меѓу себе кога и да посакаме, без разлика на оддалеченоста едни од други. И не само тоа, со помош на телевизијата и телефонијата ќе може да се гледаме и слушаме. Инструментите кои тоа ќе ни го овозможат ќе бидат толку мали, што ќе може да ги собере во нашиот џеб.

Никола Тесла е роден на 10 јули, 1856 година во селото Смилјан, во планинскиот регион Лика,  тогашна Австроунгарија. Се преселил во САД, кадешто се прославил со своите достигнувања како пронаоѓач и футурист, создавајќи си имиџ во популарната култура како архетипски „луд научник“.

Големиот изумител на кого човештвото има многу да му заблагодари, починал во 1943 година од срцев удар, во хотелска соба, сам, заборавен од светот и сиромашен.