Православните верници слават во чест на света Параскева (Петка)

Според православниот календар денес се одбележува празникот на светицата Параскева (Петка) Римјанка. Родум од Рим од побожни родителите кои од мали нозе ја воспитувале во духот на христијанството. Кога починале го раздала целиот свој имот на бедните, се замонашила и го проповедала божјото слово. Била судена и мачена од римскиот суд и на крај и била отсечена главата.
Во православието постојат три светици со исто име, Света Параскева – Петка. Првата е Света Петка – Римјанка, втората Света Петка од Иконија и третата Света Петка Епиватска, позната и како Трновска. Најпозната меѓу нив е третата чиј празник се празнува на 27 октомври. Овие личности името го добиле поради тоа што се родени во петок, а петокот бил ден за подготовка поради тоа што кај Евреите во претхристијанскиот период, саботата била празник. Оттука Параскева значи подготовка.
Со денешниот празник завршува циклусот женски празници.