Вести
Прослава на Свето Преображение во манастирот во Циглана
Во манастирот во изградба „Св. Преображение“ во населбата Циглана, во Гостивар со голем црковно-народен собир се прослави празникот Преображение Христово.
Манастирот собра голем број верници од Гостивар и околината, кои заедно го чествуваа денешниот христијански празник. Чинот на водовет, прережување на славските погачи и осветување на грозјето го изврши Митрополитот тетовско-гостиварски г.Јосиф, со свештениците од гостиварското архиерејско намесништво.
„Може да се почувствува дека ова светилиште ќе биде место за мир и спокој. Да доаѓаме и да го посетуваме во што поголем број и што почесто.“, рече во својата беседа Владиката.
На прославата во Гостивар беше и претседателот на Република Македонија, Ѓорѓе Иванов, кој за манастирот подари икона. Претседателот на Иницијативниот одбор за изградба на светилиштето, Даниел Радески му се заблагодари на поддршката, а зборови на благодарност упати и до кумовите на годишената прослава на Преображение. “Оваа година има седум кумови, тоа се луѓе и семејства кои се големи поддржувачи и ктитори на манастирот, на кои сме им многу благодарни“, рече Радески.
Граѓаните кои денес дојдоа на прославата на празникот споделија дека заедничкото одбележување им носи чувство на среќа, исполнетост и позитивна енергија.
Преображение по својата смисла и значење е еден од централните христијански празници. Се базира на настанот на Христовото преобразување, односно покажување на неговата божественост пред своите најблиски ученици на Таворската Гора, кратко време пред неговото страдање во Ерусалим.
На Преображение за пат пат се јаде грозје или друго овошје, откако свештеникот ќе го благослови во знак на благодарност кон Бог за дадените плодови на земјата.
Во чест на празникот утрово во соборниот храм „Пресвета Богородица” во Гостивар беше отслужена божествена литургија со која чиноначлствуваше Владиката г.Јосиф.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар