Планинарењето по Кораб заврши кобно за планинарот од Хрватска

Почина педесет и осумгодишниот П.П. од Сплит, Хрватска, кому му се слоши вчеравечер на Кораб Планина.

Како што соопшти МВР, во Центарот за информации и команда Тетово, било пријавено дека на местото викано „Кобилино поле“, во атарот на Маврови Анови,  има планинари-државјани на Република Хрватска, претставници на планинарско друштво од Сплит. На еден од нив, П.П. (58) од Сплит му се влошила здравствената состојба и побарал помош.

„Со хеликоптер на МВР лицето било донесено во Градската општа болница „8-ми Септември“-Скопје, каде од страна на лекар била констатирана смрт. По наредба на Јавен обвинител на телото на починатиот ќе биде извршена обдукција, а увид ќе се врши во текот на денешниот ден.“, информира МВР