Физички напад ноќеска во Гостивар: Го онесвестиле од удирање по глава

Дваесет и едногодишен жител на гостиварската населба Циглана, паднал во бессознание од удари зададени од двајца напаѓачи.

Како што соопшти МВР, утрово околу шест часот било пријавено дека околу три часот пополноќ, на излегување од угостителски објект лоциран на ул. ,,Живко Брајковски“ во Гостивар, 21 годишникот физички бил нападнат од две лица кои со тупаници го удирале по глава, од што паднал во бессознание. Била повикана Итна медицинска помош и му била укажана соодветна лекарска помош. По пријавувањето еден од напаѓачите, 22 годишник од Здуње бил приведен во полициска станица. МВР информира дека работи на целосно расчистување на случајот.