Дали сакате да читате? Книгата открива многу за карактерот на човекот

Луѓето кои обожаваат да читаат се преполни со информации и знаат јасно и темелно да ги објаснуваат нештата.

Книга во рацете значи дека некој знае квалитетно да го помине слободното време, се обидува да ги сфати луѓето околу себе, има подобри аналитички способности и многу е љубопитен…

Кај луѓето кои сакаат да читаат книги, поголема е веројатноста дека ќе се однесуваат на пријателски прифатлив начин од оние, кои преферираат да гледаат телевизија, покажала малата студија, спроведена од универзитетот Кингстон во Лондон во која биле вклучени 123 испитаници.

Најголема емпатија покажале поединците кои најмногу уживале во читањето на драми и романтични книги, додека оние кои сакаат фикција имаат најпозитивен пријателски однос, пренесува Индепендент. Луѓето кои ги сакаат комедиите се покажале како високоинтелигентни и успешни.

Уште некои карактеристики на луѓето, кои сакаат да читаат:

Имаат подобри аналитички способности

Ова е добро за секојдневното снаоѓање во животот. Луѓето кои читаат се подобри во согледувањето на одредени ситуации и пронаоѓање на подобро решение на проблемите.

Од нив можете многу да научите

Луѓето кои обожаваат да читаат се преполни со информации, знаат јасно и темелно да го објаснат тоа што го сакаат и многу лесно решаваат квизови.

Многу се љубопитни

Гладни се за животот, полни со приказни и разни искуства. Со нив може да биде многу интересно, бидејќи секогаш сакаат нешто ново и забавно.

Слушаат внимателно

Ако со часови поминуваат читајќи, веројатно ќе имаат трпение и интерес да ве слушаат внимателно, за се што имате да им кажете.

Лесно е да им се купи совршен подарок

Не морате многу да се мислите, што да им подарите за роденден, празник, годишнина. Добра и интересна книга, секогаш се најдобриот подарок за нив.