Во акции низ локалите во гостиварско затекнати над 30 девојки од странство ангажирани на црно

Во рамките на активностите за откривање и санкционирање на странски државјанки кои непријавено престојуваат и работат во подрачјето, во измнативе девет месеци од годинава Секторот за внатрешни работи Тетово реализираше 50 акциски контроли во угостителски објекти. Од нив 33 во тетовскиот и 17 во гостиварскиот регион.

Во овие контроли, вкупно биле откриени се 188 странски државјанки, од кои 154 во тетовско и 34 во гостиварско, ангажирани како пејачки и танчерки нелегално. Според податоците од полицијата, најголемиот број од нив биле од Албанија, потоа од Србија, Косово и Бугарија, а имало по неколку и од Црна Гора, Словенија и Босна и Херцеговина. Нивната возраст се движи од 18 до 45 години. При контролите, во објектите биле затекнати и околу 200 македонски државјанки.

„По нивното приведување, странските државјанки предадени се на Отсекот за прекуграничен криминал, миграции, странци и реадмисија, а потоа поголемиот број од нив биле изведени пред судија за прекршоци на Основните судови во Тетово и Гостивар.“, соопшти СВР.