ДУИ: Таравари ги става во заблуда инвеститорите и граѓаните

„Надлежностите во урбанизмот во Гостивар ги има општината. Ниедна надлежност нема централната власт, ниту пак, ние, како партија. Градоначалникот намерно ги става во заблуда инвеститорите и манипулира со граѓаните, бидејќи не го запрел градењето на самиот почеток, а објектот почнал да се гради за време на неговиот мандат. Тој дозволил да се изградат неколку спрата и со месеци не преземал мерки. Испраќа многу лоша порака до потенцијалните инвеститори. Во иднина нема да не` чуди ако не обвини нас и за неговата работа како лекар, затоа што од почетокот на мандатот, не работи ништо друго“,  наведуваат од огранокот на ДУИ во Гостивар како реакција на денешната изјава на градоначалникот Арбен Таравари, кој посочи дека со поддршка на партијата и централната власт, бесправно се гради зграда во Гостивар.