Три причини зошто треба да јадете млад кромид

Младото кромитче периодов го има во изобилие, а бидејќи е многу богат со минерали и витамини слободно грицкајте го кога ќе посакате. Дури, се препорачува да се јаде секојдневно. Младиот кромид многу е корисен за здравјето, посебно за следниве три работи:

Го штити срцето
Како споменавме многу е богат со антиоксиданти, кои ги штитат ќелиите од оштетување, кое го предизвикуваат слободните радикали, нема да погрешите кога и да се одлучите да јадете млад кромид. Покрај тоа, го одржува крвниот притисок во границите на нормалата, го намалува ризикот од создавање на тромб.

Ги чува коските
Младиот кромид покрај антиоксидантите изобилува со витамините Ц и К кои се неопходни за здрави коски. Само едно младо кромитче содржи околу 20% од препорачаната дневна доза на витаминот К и околу 2% од витаминот Ц.

Го намалува холестеролот
Ако сте од оние кои ги фрлаат перцата на младиот кромид, откако ќе го прочитате ова ќе престанете со оваа навика, бидејќи токму перцата на младиот кромид го намалува лошиот холестерол и ги регулира нивото на шеќер во крвта.