Уапсен гостиварец поради пукање од пушка на свадба

Гостиварец завршил во полициска станица, по пријава за пукање од огнено оружје на семејна веселба.

Околу 4 часот и 40 минути, вo Секторот за внатрешни работи Тетово било пријавено пукање со огнено оружје на свaдбена веселба, која била организирана во двор од куќа на улица „ЈНА“ во Гостивар.

СВР Тетово информира дека набрзо по пријавувањето, од слобода бил лишен 35-годишниот гостиварец Д.Ј, кој се сомничи дека пукал и од кого одземена е полуавтоматска пушка „ИСД“, калибар 7,62 милиметри х 39 со рамка и 5 маневарски куршуми.

Извршен е увид, додека осомничениот е задржан за натамошна постапка.