Во Албанија уапсен гостиварец во обид да шверцува над 300 штеки цигари

Граничната полиција на Албанија во Драч приведе гостиварец, кој се сомничи за шверц на цигари.

Тамошните медиуми пишуваат дека во автобус кој пристигнал од Македонија, а чија крајна дестинација била Италија, биле пронајдени 309 штеки цигари од различни брендови како малборо, винстон, бос и други.
Уапсен бил 32-годишниот Ќ.С од Гостивар, кој се товари за кривично дело “криумчарење на стоки акциза” и “трговија и транспорт на шверцувана стока.” Како што се наведува во полициското соопштение, штеките цигари биле скриени во автобусот, а возачот не ги пријавил.

Истражните материјали се предадени на обвинителството во Драч за понатамошно дејствување, известува албанската полиција.