Галичник налето ќе има патронажна медицинска служба

Во текот на летниот период во Галичник ќе се активира патронажна медицинска служба, соопшти Министерството за здравство.

Тим составен од лекар и медицинска сестра ќе им биде на располагање на граѓаните, секој петок почнувајќи од 9 до 14 часот, во просторија на Вила Доста.

„Од 5-ти јулипа до крај на сезоната, секој петок, Галичник ќе го посетува патронажна медицинска служба од лекар и медицинска сестра од Здравствниот дом Ростуше. Досега, жителите од Галичник за преглед се упатуваа во Гостивар и Маврово, а од 5 јули тие ќе можат да добијат здравствена заштита и услуга поблиску до домот.“, информираше Министерството за здравство.

Патронажната служба, според најавите ќе биде активна три месеци.

Галичник е село сместено во центарот на мијачкиот регион на падините на Бистра, на надморска височина од 1300 метри. Важи за надалеку позната туристичка дестинација, а особено во летниот период прераснува во атрактивно место кадешто доаѓаат огромен број на посетители, гости и иселеници со галичко потекло.