Медитеранска салата со лубеница и фета сирење

Освежителна слаткo-солена салата, во која тајна состојка е маринада од маслиново масло која се користи за сирење!

Маслиновото масло е еден од најдобрите сојузници против болеста и се наоѓа на прво место на листата на 10 прехрамбени намирници кои се корисни за човечкото тело, поради тоа уште се нарекува и “течно злато”. Најдобро е да се користи свежо во салати и зеленчук, тогаш постигнува полн ефект, а кога се пржи, ефектот се намалува. Ви пренесуваме еден предлог за лесна медитеранска салата зачинета со маслиново масло.

Потребни состојки:

– половина килограм лубеница
– маслиново масло (1 лажица)
– сок од лимон (2 лажици)
– сол
– зачини за вкус (свеж или сушен босилек, мајчина душица, оригано)
– 200g фета сирење исецкано на коцки
– свежи листови нане

Подготовка:

Лубеницата исчистите ја од семките и исецкајте ја на коцки. Измешајте ги маслиновото масло, сокот од лимон, сол и зачините во поголем сад. Ставете ги и коцките фета, да бидат прекриени со маринадата од сите страни. Оставете го садот неколку часа да отстои во фрижидер.

Кога ќе се измаринира фетата, прелијте ја преку лубеницата и полека измешајте, исецкајте ги листовите нане, посипете ги одозгора и ужувајте.