Во Гостивар казнети десетина моторциклисти и 16 возачи на камиони

Во текот на вчерашниот ден (30 јули) во периодот од 17 до 23 часот, полицијата спровела акциска контрола на моторцикли, во Гостивар и во Тетово. Во акцијата биле откриени вкупно 33 прекршоци, од кои 11 во Гостивар. Десет мотоциклисти управувале без возачка дозвола (Тетово-8 и Гостивар-2),  13 не користеле заштна кацига, (Тетово-8 и Гостивар-5 ), 4 мотоцикли воопшто не биле регистрирани, 4 имале истечена регистрација и друго.

Полицијата соопшти дека вчера, исто така, на гостиварското подрачје спроведена е акциска контрола, со која во најголем број биле опфатени тешки товарни возила, камиони. При контролата, откриени се 16 технички неисправни возила, кои се исклучени од сообраќај. Седум од нив биле со неисправен уред за управување, осум имале неисправни сопирачки, а едно неисправни пневматици На возачите на технички неисправните возила изготвени им се прекршочни платни налози.