Секој четврток патронажна медицинска служба во Лазарополе

Од први август започна со работа патронажна медицинска служба во Лазарополе, која ќе биде активна секој четврток, до крајот на летната сезона.

„Лекар и медицинска сестра од Здравствениот дом во Ростуше, еднаш неделно во периодот од 9 до 13:30 часот, на жителите ќе им ја пружаат потребната здравствена заштита и нега, во една од просториите на зградата од месната заедница (старата општина), која специјално е наменета за овој мобилен сервис. Со активирање на патронажните служби целиме здравствените услуги да ги доближиме поблиску до граѓаните, најблиску до домот на живеење.“, информира Министерството за здравство.

Од минатиот месец патронажна служба е воведена и во Галичник, каде граѓаните добиваат бесплатни прегледи и совети, секој петок.