Во возило во Тетово најдени 12 килограми марихуана – апсење и во Гостивар

Вчера околу 14.00 часот во Тетово, на земјениот пат од Фалише кон Сараќино, во паркирано патничко моторно возило „бмв“ со тетовски регистарски ознаки, сопственост на 27 годишниот Г.М. од Тетово, биле пронајдени околу 12 кг. марихуана, информира МВР.

Во 17.10 часот бил пронајден и сопственикот на возилото и заедно со неговиот татко 53 годишниот Н.М. биле приведени во СВР Тетово, поради основано сомнение дека сториле кривично дело „неовластено производство и пуштање во промет на наркотични дроги, психотропни супстаниции и прекурсори“.

Во Гостивар пак, ноќеска, околу 2 часот после полноќ, на ул.„Никола Тесла“, полициски службеници од Полициската станица Гостивар привеле 24 годишник од Долна Бањица, бидејќи при извршен преглед кај него била пронајдена марихуана.

По документирање на случаите, против сите нив ќе биде поднесен соодветен поднесок, најави полицијата.