Италијанците пијат со сламки од тестенини во борба против загадувањето

Во италијанските барови и ресторани, пијалоците започнаа да се служат со сламки од тестенини. Идејата е да се избегне употребата на пластика, за да се спречи загадувањето на животната средина. Сламките од тестенини се нарекуваат Stroodles, биоразградливи се и вегански, а единствената мана им е што не се погодни за луѓе алергични на глутен.

За сега, реакциите на гостите се позитивни, затоа што ваквите сламки не загадуваат, но и не го менуваат вкусот на пијалоците. Пијалоци со вакви сламки се служат и во угостителски објекти во Велика Британија, но нивната популарност таму е помала. Сепак, Италија е дом на тестенините и разбирливо е зошто оваа идеја подобро проаѓа во оваа земја.

Рокот на траење на сламките од тестенини е околу еден час. Потоа омекнуваат, а на крај можат да се компостираат или да се изедат.