Во Албанија уапсени инвеститори, градители, инжинери по земјотресот, поради нелегалното градење

Албанската полиција вчера уапси деветмина луѓе кои се товарат за убиство и злоупотреба на положбата поради непочитување на правилата за градба.

Обвинителство започнаа со апсење на градители, инженери, инвеститори и локални службеници во катастарот кои не се придржувале кон безбедносните правила, норми и стандарди за градење, бидејќи првичните истраги покажале дека тоа е една од причините поради која при земјотресот на 26 ноември, со јачина од 6,4 степени загинаа дури 51 лице. Осомничени се 17 луѓе. Полицијата трага по уште осум од осомничените.