Гостивар
Во Гостивар се одржа трибина на Унијата на млади сили на ВМРО ДПМНЕ
Каква е иднината на младите во Македонија, кои се перспективите и што треба да се преземе за да се спречи иселувањето? Ова беа темите на трибината којашто се одржа вчеравечер во Гостивар, а ја организираше Унијата на млади сили на ВМРО ДПМНЕ.
Пратеничката Дафина Стојаноска потенцираше дека младите се движечката сила во општеството и мора да им се даде шанса да ги покажат своите квалитети.
„ВМРО-ДПМНЕ како конзервативна партија секогаш дава поддршка на традиционалните семејни вредности. Младите треба да ја гледаат својата иднина овде, во Македонија, а не надвор од неа, како што се случува. За да им се обезбедат услови и да им се пружи шанса да успеат во својата родна земја, државата треба да ја води партија што се грижи за доброто и интересите на младите и сите граѓани, а не некој што води демотивирачки и деструктивни политики.“, рече Стојаноска.
На трибината обраќање имаше Иванка Василевска, член на Извршниот комитет на партијата.
„Дојдени сме да го поведеме народот, во финалната битка за Македонија. Во неа се добредојдени сите кои ја сакаат нашата татковина. Македонија има свои интереси и своја политика. Секој кој ја сака родната грутка е дел од нашето големо семејство. Ние сме горд народ и не сме аморфна маса. Ние сме чесни и не бараме туѓо, единственото нешто кое го бараме е да си ја зачуваме Македонија“, порача Василевска.
Претставниците на Унијата на млади сили на трибината подвлекоа дека актуелната власт не води никаква грижа за потребите на младите, дека во студентските домови владеат мизерни услови и ништо не презема за искоренување на „белата чума“, иако тоа било едно од нивните главни ветувања во предизборието.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница