Две кривични против лица за продажба на марихуана во Гостивар

Надворешната канцеларија за криминалистички работи Гостивар поднесе кривична пријава против 36 годишен државјанин на Руската Федерација, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори’’. МВР соопшти дека на 10 февруари годинава полициски службеници извршиле претрес во соба во хотел во Гостивар, каде престојувал пријавениот, при што пронашле и одзеле марихуана.

Кривична за исто дело, „неовластено производство и пуштање во промет на наркотични дроги, психотропни супстанци и прекурсори“ е поднесена и против 19 годишен гостиварец. Случајот е од август мината година, кога селото Зубовце, полициски службеници извршиле преглед на пријавениот, кој бил во паркирано возило со италијански национални ознаки, при што пронашле марихуана.