Викенд временска прогноза

И овој викенд не` очекува стабилно и релативно топло време. Денес, петок 52-от ден од годинава, времето во гостиварскиот регион ќе биде претежно сончево со мала до умерена облачност.

Утринава температурата се движеше околу нулата, а дневната максимална ќе достигне до 10 степени. Слично време не` очекува и во наредните два дена. Во сабота ќе бележиме нешто пониски утрински температури, а дневната ќе достигне до 8 степени, додека во недела дневната температура ќе достигне и до 15-от степен.

Инаку денешниот ден ќе трае 10 часа и 52 минути, а сонцето ќе зајде во 17 часот и 16 минути.

Искористете го убавото време за прошетка во градскиот парк, покрај кејот на Вардар или можеби за мал излет во природа надвор од градот.