На подрачјето на Општина Врапчиште 19 лица се во самоизолација

Локалниот кризен штаб на Општина Врапчиште идентификувал 19 граѓани на територијата на општината, кои допатувале од странски земји кадешто има коронавирус. Лицата добиле насоки и препораки за самоизолација во период од 14 дена.

Како што соопшти општината: 5 се од селото Градец, 2 од Сенокосе, 5 од Неготино полошко и 7 од Калиште.

При појава на евентуални симптоми граѓаните коишто се во самоизолација треба да се јават во Центарот за јавно здравје 076 / 365-161 или во локалната канцеларија за управување со кризи 072 / 246-666.
„На сите лица им е укажано дека Министерството за внатрешни работи ќе преземе соодветни казнени мерки доколку се прекрши самоизолацијата“, наведуваат од општината.

Во екипата на Кризниот штаб на Општина Врапчиште којашто била во обиколка на лицата во самоизолација се: Мухамедали Хајредини – лекар, Ибрахим Мамути-општински службеник, како и претставници од Полициската станица Галате, Центарот за јавно здравје и граничната полиција.