Заев и Мицкоски во задолжителна домашна изолација, биле на интервју со новинар позитивен на корона

Лидерите на СДСМ, Зоран Заев и на ВМРО ДПМНЕ Христијан Мицкоски се ставени во задолжителна домашна изолација и направен им е тест за коронавирус, информираше на вонредна прес конференција утрово, министерот за здравство Венко Филипче.

„Новинар од телевизиски медиум со кого и двајцата имале Тв интервју минатата недела, е позитивен на коронавирусот. По добивањето на оваа информација, на претседателите на СДСМ, Заев и на ВМРО ДПМНЕ Мицкоски им е направен тест за корона и двајцата се ставени во задолжителна домашна изолација. Резултатот на Мицкоски е добиен синоќа и тој е негативен, додека резултатот на Заев, со оглед дека синоќа веќе беше заминат за Струмица се очекува да пристигне во текот на денот. Новинарот е во стабилна здравствена состојба и моментално е на лекување во „8 септември““, соопшти Филипче.